Petropavldaǵy mektep-ınternat jyl úzdigi atandy

PETROPAVL. 26 qańtar. Estý kemistigi bar balalarǵa arnalǵan Soltústik Qazaqstan oblystyq arnaıy mektep-ınternaty 2014 jyldyń úzdik mekemesi atanyp, ulttyq sertıfıkatpen, ujym dırektory Jankeldi Tájın «Eńbek sińirgen memlekettik qyzmetker» ordenimen marapattaldy. Bul týraly egemen tilshisi habarlady. Respýblıka orta býyndaǵy kásiporyndardyń sońǵy eki jyl ishindegi jumys kórsetkishteriniń qorytyndylaryn «Ekonomıkalyq qyzmet túrleriniń jalpy klassıfıkatory» negizinde «Saýda-óndiristik» JShS júrgizgen. Statıstıkalyq baǵamdaý Statıstıka agenttigi tóraǵasynyń buıryǵymen bekitilgen. Estý qabileti kem balalar tárbıelenetin mektep-ınternat ekonomıkalyq qyzmet túrleriniń jalpy klassıfıkatory boıynsha negizgi jáne orta bilim mekemeleri arasynda alǵashqy úzdik qataryna kirdi. Kóshbasshy kásiporyndar tizimi halyqaralyq WRC uıymynyń ádistemelik júıesi negizinde aıqyndalǵan. Mektep-ınternat saıtyna ornalastyrylǵan, baspasóz betterinde jarııalanǵan materıaldarǵa, oqýshylar men ujymnyń jetistikterige, men bilim oshaǵynda júrgizilgen oqý-tárbıelik jumystar men taǵy basqa atqarylǵan sharalarǵa syrttaı irikteý júrgizilip, reıtıng qorytyndysy boıynsha top jarǵan. 2014 jyldyń eń úzdik mekemesi Astana qalasynda ótetin marapattaý rásimine shaqyrylyp otyr. О́mir Esqalı. Derek: egemen.kz. Sýret: deaf.kz.