Almaty oblysy Qaratal aýdanyna jańa ákim taǵaıyndaldy

ASTANA. 26 qańtar. Almaty oblysy basshysy Amandyq Batalovtyń ókimimen Bısembaev Qaırat Áshiráliuly Qaratal aýdanynyń ákimi bolyp taǵaıyndaldy. Bul týraly oblys ákimdiginiń baspasóz qyzmeti habarlady. Q.Bısembaev 1965 jyly týǵan. Bilimi joǵary. «Jambyl gıdromelıoratıvti qurylys» ınstıtýtyn, «Turan» ýnıversıtetin jáne «Tehnologııa, qurylys, baǵa jáne sapany basqarý ýnıversıtetin bitirgen. Mamandyǵy – qurylys ınjeneri, zańger jáne sarapshy-baǵalaýshy. Ol eńbek jolyn «Torgaıselhozvodoprovod» mekemesiniń sheberi bolyp bastady. Ár jyldary klýb meńgerýshisi, keńshar komsomoly komıtetiniń hatshysy, aýyldyq keńestiń tóraǵasy, aýyldyq okrýg ákimi, «Podgornyı» AQ qospajem zaýytynyń bastyǵy, «Birlik jáne K» JShS dırektory, oblystyq lısenzııalaý ortalyǵy bóliminiń bastyǵy, «Qurylyskonsaltıng» JAQ fılıalynyń dırektory, Qaratal aýdany ákiminiń orynbasary, Qurylys jáne turǵyn úı-kommýnaldyq sharýashylyq isteri jónindegi agenttiginiń memlekettik sáýlet-qurylys baqylaý jáne lısenzııalaý basqarmasynyń bastyǵy, departament dırektory qyzmetterin atqarǵan. 2013 jyldan beri Astana qalasy boıynsha Memlekettik sáýlet-qurylys baqylaý jáne lısenzııalaý departamentiniń basshysy bolyp kelgen. Joldybaı Bazar. Derek, sýret: Almaty oblysy ákimdiginiń baspasóz qyzmeti.