Foto:Oqý-aǵartý mınıstrligi
Aıta keteıik, ótinishterdi qabyldaý 2024 jyldyń 20 qyrkúıegine deıin jalǵasady. Olımpıadaǵa aýyl mektepteriniń 9-11(12) synyp oqýshylary qatysa alady.
Olımpıada tórt kezeńnen turady:
- I kezeń (irikteý) – 2024 jyldyń qyrkúıegi;
- II kezeń (aýdandyq) – 2024 jyldyń qazany;
- III kezeń (oblystyq) – 2024 jyldyń qarashasy;
- IV kezeń (respýblıkalyq) – 2024 jyldyń jeltoqsany.
Mınıstrlik olımpıadanyń ótken jylǵy jeńimpazdary pánder sáıkestigi boıynsha bıylǵy olımpıadanyń respýblıkalyq kezeńine barlyq kezeńderge qatysý shartyn saqtaı otyryp, konkýrstan tys qatysa alatynyn habarlady.
Bilim saıysyna qatysýǵa nıet bildirýshiler auyl.daryn.kz saıtynda tirkelýi qajet.
Eske sala keteıik, aýyl mektepteriniń oqýshylaryna arnalǵan jalpy bilim beretin pánder boıynsha Respýblıkalyq olımpıada alǵash ret ótken oqý jylynda QR Oqý-aǵartý mınıstrliginiń bastamasymen ótkizildi. Ol Qazaqstannyń shalǵaı eldi mekenderindegi daryndy jáne talantty balalardyń qabiletterin anyqtaýǵa jáne damytýǵa baǵyttalǵan. Olımpıadanyń birinshi jylynyń qorytyndysy boıynsha aýyl oqýshylarynyń júldeli oryndarǵa ıe bolý kórsetkishi 8 esege artqan.
Sonymen qatar olımpıada barysynda aýyl mektepteriniń oqýshylaryna tolyq qoldaý kórsetilip, olar aldaǵy zııatkerlik jarystarǵa daıyndalý úshin respýblıkalyq «Daryn» mektebine syrttaı qabyldanady.
