– Astana qalasynda ótip jatqan kóshpelilerdiń kezekti 5-oıyny qazirgi tańda ejelgi mádenıetiniń jurnaǵyn saqtap otyrǵan Mońǵolııa, Qazaqstan, Qyrǵyzstan jáne О́zbekstan qatarly elderdiń syrtynda dúnıejúzilik etnostardy kóshpeliler mádenıeti týynyń astyna toǵystyrǵan keremet oqıǵa ekenin ańǵardym. Bul shara – kóshpeliler mádenıeti, kóshpelilerdiń sporttyq-jaýyngerlik óneriniń tek dalalyqtarǵa ǵana tán emes kúlli adamzat balasyna ortaq ekenine dálel ispetti ótip jatyr.
Osy oraıda, taǵy bir aıtatyn dúnıe – árbir mádenı hám saıası sharalardyń joǵary deńgeıde ótýi sol eldiń ekonomıkalyq damý qýatyn ańǵartatyn kórsetkish. Osy turǵydan alyp qaraǵanda, Astanada ótip jatqan atalǵan oıyn Qazaqstannyń órkendeý modeliniń aıǵaǵy ispetti. Qazirdiń ózinde bul oıynǵa álemniń 90-ǵa jýyq eli qatysyp jatyr. Osyǵan qaraǵanda bul oıynnyń bolashaǵy zor ekenin ańǵarýǵa bolady.
