Foto: gov.kz
Buǵan deıin oblysta 2022 jyly ornatylǵan 30 qurylǵy jumys istep, sol ýchaskelerde adamdar zardap shekken birde-bir jol-kólik oqıǵasy tirkelmepti. Demek, qurylǵylar tıimdiligin kórsetken. Bıylǵy 8 aı boıynsha atalǵan qurylǵylar ótken jyldyń osy kezeńimen salystyrǵanda eki ese az buzýshylyq tirkegen.
Apparattyq-baǵdarlamalyq keshenderdiń tıimdiligine baılanysty jáne azamattardyń ótinishterin eskere otyryp, oblystyq Polısııa departamenti taǵy 24 qurylǵy alyp, qozǵalysy kóp ýchaskelerge ornatyldy. Taǵy 2 keshen temir jol ótpesindegi, 3 keshen jaıaý júrginshiler ótkelindegi buzýshylyqtardy tirkeıdi, al 4 keshen patrýldik avtokólikterde qoıylǵan.
Oblys ákimdiginiń baspasóz qyzmeti málimdegendeı, qala syrtyndaǵy joldardyń apattyq qaýipti ýchaskelerinde «Kordon.Pro»M apparattyq-baǵdarlamalyq keshenderi jumys isteı bastady. Atalǵan qurylǵylar jyldamdyqty asyrý, qaýipsizdik beldigin taqpaý, kólik basqarý kezinde telefon paıdalaný, jol tańbalarynyń buzýshylyqtaryn tirkeıdi.
