Ulttyq qundylyǵymyzdyń ózegi bolyp tabylatyn otbasylyq dástúrlerdi dáripteýge arnalǵan aksııaǵa 1 mıllıonnan astam ata-ana qatysady degen boljam bar. Joba aıasynda 10 myńnan astam aýqymdy is-shara ótkiziledi.
Aksııanyń maqsaty balalardy oqytý men tárbıeleýde otbasy men mekteptiń ózara yntymaqtastyǵyn kúsheıtý, pozıtıvti ata-ana mádenıetin damytý jáne balalardyń úılesimdi damýy úshin bilim berý mekemelerinde qolaıly orta qalyptastyrý bolyp tabylady.
«Bir apta ishinde elimizdiń bilim berý mekemeleri shyǵarmashylyq konkýrstar, sheberlik synyptaryn, otbasylyq taqyryptyq oıyndar jáne taǵy basqa aýqymdy is-sharalar baǵdarlamasyn uıymdastyrady. Mektep psıhologtary men pedagogter bala men ata-ananyń ózara qarym-qatynasyn jaqsartý úshin ınteraktıvti trenıngter ótkizedi. Aksııa otbasylyq jáne ulttyq dástúrlerge arnalǵan merekelik baǵdarlamamen qorytyndylanady», dedi «О́rken» BÁAUǴPI-nyń birinshi vıse-prezıdenti Elena Sakenova.
Aıta keteıik, «Otbasym – maqtanyshym» aksııasy «Birtutas tárbıe» baǵdarlamasy aıasynda qurylǵan mektepterdegi ata-analarǵa pedagogıkalyq qoldaý kórsetý ortalyqtarynyń uıymdastyrýymen ótkiziledi.
