«CodiPlay» jobasy – oqýshylarǵa kompıýter tili men robottehnıkany oıyn túrinde úıretetin platforma. Ol mekteptegi sabaq úderisine kedergi keltirmeı, muǵalim men oqýshynyń birlese jumys isteýine múmkindik beredi. Otandyq ónim az ýaqytta Ulybrıtanııa, Ońtústik Koreıa, Saýd Arabııasy sııaqty álemniń kóptegen elinde mektep baǵdarlamasyna engizilgen. Atalǵan joba búginde álemniń 13 elinde qoldanylady. Negizgi maqsatymyz – balalardyń sıfrlyq saýattylyǵyn arttyrý», deıdi joba jetekshisi Janádil Taldybaev.
«Ár eldiń salty basqa...»
Jańa oqý jyly bizdikindeı 1 qyrkúıekte bastalmaıtyn elder kóp eken. Bul jyl mezgilderiniń ereksheligimen baılanysty.
Mysaly, aýstralııalyq oqýshylar kúzden emes, qystan bastap oqıdy. Tipti olarda baǵalaý júıesi de ózgeshe. «1» degen eń joǵary ball, al «5» kerisinshe eń nashar baǵa degendi bildiredi. Al japondyq balalar jańa oqý jylyna sáýir aıynda kirisedi. О́ıtkeni bul halyq úshin kóktem jańa ómirdiń bastaýy sanalady. Oqý merzimi úsh kezeńge bólingen. Alǵashqysy shildege deıin jalǵasyp, balalar jazǵy demalysqa ketedi. Sosyn qyrkúıekte bastalatyn ekinshi semestr jeltoqsannyń sońynda aıaqtalady da, sońǵy kezeń qańtardan naýryzǵa deıin sozylady. Jergilikti mektepterde oqýshylardyń tártibi men syrtqy kelbetine qatysty da talap qatań. Munda balany eńbekke baýlý tárbıeniń mańyzdy bóligi sanalady. Sondyqtan oqýshylar synyptardy ózderi jınap, ózderi jýady.
Ushqysh robot
Italııa ǵalymdary ushatyn robot jasady. Túr tulǵasy adamǵa uqsaıtyn qurylǵyǵa 4 reaktıvti qozǵaltqysh ornatylǵan.
Qultemirdiń salmaǵy 70 kılo. Áıtse de qınalmaı ushady. Onyń negizgi qyzmeti – qutqarýshylardyń jumysyn jeńildetý. «Robotty tabıǵat apaty kezinde qoldanǵan durys. Adamdardyń qatynaýyna, ne jumys isteýine qıyn aımaqtar bolady. Sondaı sátte tehnologııany qashyqtan basqara alamyz. Sóıtip, robot izdestirý ári qutqarý operasııalaryna qatysyp, alǵashqy kómekti kórsetedi», deıdi joba jetekshisi Danıel Pýchchı.
