Alǵash ret aqyly reıs arqyly ǵaryshqa ushqan týrıster Djared Aızekman men Sara Gıllıs qyzyqty málimetter taptyq deıdi. Bul týraly germanııanyń «Bild» basylymy jazdy. Osylaısha, «Polaris Dawn» ǵarysh kemesi erekshe mıssııasyn sátti aıaqtady. Olar ótken jeksenbi kúni Florıdanyń ońtústigindegi teńizge qondy. Aldaǵy ýaqytta saıahattary týraly tolyq málimet beredi.
Erekshe kıiz úı
«Lego» kompanııasy kóshpeliler mádenıetin dáripteıtin kıiz úı oıynshyǵyn shyǵarmaq.
Qurastyrmaly oıynshyq shyǵaratyn «Lego» kompanııasy kóshpeliler mádenıetin dáripteıtin kıiz úı oıynshyǵyn shyǵarmaq. Onyń álemdegi eń tanymal oıynshyqtardyń biri ekeni málim. Ol balalardyń qııalyn damytyp, shyǵarmashylyq qabiletin arttyrady. «Lego Nomad Yurt» jobasyna daýys berý — bul tek oıynshyq shyǵarý emes, mádenı muramyzdy saqtap, ony keleshek urpaqqa jetkizý. Lego kıiz úıi ulttyq qundylyqtarymyzdy nasıhattap qana qoımaı, elimizdiń týrıstik áleýetin de arttyrady», deıdi joba avtor Aınur Polatova.
Aqyldy qus
Jer betindegi eń názik jaratylys ıesi qustar shyǵar. О́zderin qorǵaýǵa nebir aıla-tásil jasap jatady. Sonyń biri – jasyryn bólme salý.
Afrıkany meken etetin Antoskop tuqymdas qustar erekshe uıa jasaıdy. Olar uıanyń ishinen jasyryn bólme salady. Bólmeniń qaqpaǵyn ózderi asha alatyndaı etip, jasyryp qoıady. Bul ádis jumyrtqalardy jylandardan jáne basqa jyrtqyshtardan senimdi qorǵaıdy. Ǵalymdar qustardyń mundaı tásildi qaıdan ári qalaı úırengenderin zerttep jatyr.
