Festıvalde barlyǵy 130-dan asa alma sorty usynyldy. Olardyń ishinde Saltanat, Aınur, Rashıda, Gala, Rahat, lımonka, grýshovka, amerıkalyq, aport jáne basqalary bar. Ákimdiktiń málimetinshe, bıyl 50 almatylyq baý-baqsha sharýashylyǵy 130 tonnadan astam alma, sonyń ishinde tanymal «aport» sortyn ákelgen. Kompotty kásibı aspazdar toby daıyndap, bir lıtrin 500 teńgeden satqan. Túsken aqsha qaladaǵy saıabaqtardy bezendirýge, qus uıasy, aǵash kóshetterine jumsalady.
Baılyqtan bas tartqan taqýa
«О́mir aqsha men ýaqyttyń oıynynan turady» deıdi Robert Kııosakı. Al qytaılyq Lıý Szıanchýn munymen kelispeıdi. Sebebi ol bárinen bas tartqan.
Alty jyl buryn Lıý Szıanchýn óte baı boldy. Qytaıdaǵy iri toqyma zaýytynyń bedeldi múshesi aqshadan aq saraı salǵany da ras. Bir kúni ol qonaqúıden belgisiz bir jan umytyp ketken býddızm týraly kitabyn taýyp alady. Sol sátten bastap dúnıetanymy túbegeıli ózgeredi. Qolyndaǵy barlyq mal-múlkin satyp, qaıyrymdylyqqa jumsaıdy. Qyzyldy-jasyl tirshilikten bas tartyp, eki jyl taýda jalǵyz ómir súredi. Al qazir ol – býdda ǵıbadathanasynda taqýa.
Jóteline qarap, aýrýyn tany...
«Google» jótel arqyly aýrý túrin anyqtaıtyn jasandy ıntellekt jasap shyǵardy.
«Health Acoustic Representations» tynys alý men jóteldi tyńdaý arqyly aýrý belgilerin erte kezeńde anyqtaıdy. Medısınalyq model 300 mln aýdıoderektiń negizinde daıyndaldy. Ishine 100 mln jótel dybysy da engizilgen. Zertteýshilerdiń aıtýynsha, adam aǵzasynyń jótel, sóıleý, tynys alý dybystaryna qarap densaýlyǵy týraly barlyq aqparatty alýǵa bolady.
