«Qalada sportqa qyzyǵýshylar sany jyl sanap artyp keledi. Bul óte qýantarlyq jaǵdaı. Buqaralyq sportty damytý úshin jylyna júzdegen sharalar uıymdastyrylýda. Túrli deńgeıde chempıon atanyp júrgen sportshylarymyz da kóptep sanalady. Búgingi jańa nysan el ıgiligine jaraıdy degen senimdemiz», dedi sharanyń ashylý rásimine qatysqan qala ákimi Ashat Berdihanov.
Atalǵan nysanda armrestlıng, ústel tennısi, strıtbol, basketbol, bokspen aınalysýǵa bolady. Jattyǵýǵa arnalǵan túrli jabdyqtar ornatylǵan. Balalar úshin mýzykalyq quraldar qoıylǵan. Jasyl aımaǵy da bar. Jalpy aýmaǵy 1,4 gektardy quraıdy. Qaýipsizdikti saqtaý maqsatynda birneshe beınebaqylaý kameralary ornatylǵan. Tapsyrys berýshi – qalalyq TÚKSh bólimi. On aıdyń ishinde qurylysy tolyq aıaqtalyp, paıdalanýǵa berilgen «Krossfıt» alańynda turǵyndar sportpen tegin aınalysady. Olar da erekshe alańnyń ashylǵanyna dán rıza.
«Keshke balalarymyzben qydyrýǵa, demalýǵa bolatyn keremet alań eken. Úlkender sportpen shuǵyldanyp jatqanda balalardyń júgirip, oınaýyna bar jaǵdaı jasalǵan. Qalamyzda ádemi, kórikti ǵımarattar men alańdar kóptep salynsa degen armanymyz bar», deıdi qala turǵyny Maqpal Mıras.
Sport alańynyń ashylý saltanatyna oraı strıtbol, sokkerbol, krosfıtten jarys ótti. Oǵan 130-ǵa jýyq sportshy qatysyp, oıyn jeńimpazdary arnaıy syılyqtarmen marapattaldy.
Almaty oblysy
