S. О́tebaev atyndaǵy Atyraý munaı jáne gaz ýnıversıtetinde oqytýshylarmen jáne óńirdegi joǵary oqý oryndardyń jas ǵalymdarymen kezdesý uıymdastyrylǵan. Shtab músheleri ǵylymdy damytý jáne ǵalymdarǵa áleýmettik qoldaý kórsetý máselesi Memleket basshysynyń nazarynda ekenin atap ótti.
Qazir ǵylymı qoǵamdastyqtyń aldynda ónerkásiptik óndiriske ınnovasııalyq tehnologııalar men ázirlemelerdi engizýge qatysty úlken mindet tur.
Iаdrolyq fızıka ınstıtýtynyń bas dırektory Saıabek Sahıev Halyqtyq shtabtyń óńirlerge saparynyń basty maqsaty – turǵyndarmen ashyq ári shynaıy áńgimelesý ekenin tilge tıek etti.
«Álem bir orynda turmaıdy. Qazaqstan da alǵa qadam basýda. Biz turǵyndarǵa atom salasynda, atom energetıkasynda qandaı jańalyqtar bar ekenin aıtyp, elimizdiń jetken jetistiktermen bóliskimiz keledi. Álemniń ajyramas bóligi retinde bizdiń de aıtýǵa, maqtanýǵa jáne kórsetýge turarlyq jetistikterimiz bar. Atom energetıkasy tek atom elektr stansııasy ǵana emes, sonymen qatar ol ekonomıkanyń kez kelgen salasynda qoldanylady. Bul týraly búgin Atyraý oblysynyń turǵyndarymen sóılestik, olardyń pikirlerin bildik», dedi Saıabek Sahıev.
Atyraý JEO ujymymen kezdesý barysynda Shtab músheleri TKSh júıeleriniń qalypty jumys isteýi úshin turaqty ári senimdi energııa kózi qajet ekenin aıtty. Búginde Atyraý oblysy eń joǵary júktemeler kezinde kóp jaǵdaıda Reseıden jetkiziletin energııaǵa táýeldi. Qyrýar qarjylyq shyǵyndardan bólek, energııa jetispeýshiligi óndiristik mindetterdi de sheshýge múmkindik bermeıdi. Jýyrda elimizdiń batys óńirlerin biryńǵaı energııa júıesine qosý jumysy bastalady.
Sonymen qatar propılen óndiretin «Kazakhstan Petrochemical Industries Inc.» JShS zaýytynda Shtab músheleri munaı-gaz jáne hımııa ónerkásibi ókilderimen júzdesken. Joǵary tehnologııalyq ónerkásiptik óndiristi odan ári damytýdyń jáne Prezıdenttiń 2029 jylǵa qaraı eldegi JIО́-ni eki ese arttyrý jónindegi tapsyrmasyn oryndaýdyń basty faktory – senimdi ári turaqty energııa kózi ekeni atap ótildi.
Keıinnen Shtab músheleri «Dáýlet» ındýstrııalyq aımaǵy kásiporyndarynyń qyzmetkerlerimen kezdesken. Munda kıim tigetin, nan, kondıterlik ónimder, makaron ónimderin, et konservilerin, aýyz sý, qurylys qospalaryn jáne taǵy da basqa zattardy óndiretin kompanııalar jumys isteıdi. О́zge óńirlerdegi sekildi mundaǵy bıznes ókilderi de qazirgi energııa tapshylyǵy jańa tehnologııalardy iske qosýǵa múmkindik bermeıtinin jáne óndiristiń damýyn tejeıtinin málimdedi. Kóptegen perspektıvaly jobalar elektr energııa tapshylyǵyna baılanysty júzege asyrylmaıdy.
