86 jastaǵy aýyl turǵyny Hýan soǵys kezinen qalǵan boıaýlarmen óz úıiniń qabyrǵasyn ásemdeı bastaıdy. Bul ıdeıa jergilikti jastarǵa unap, aýyldaǵy barlyq úıdiń qabyrǵasyn boıap, sýret salyp shyǵady. Muny kórgen halyq aýyldy qutqarýdyń jalǵyz ádisi – ony týrıstik mekenge aınaldyrý ekenin túsinedi. Bári jumylyp eski aýyldy túrli tústi boıaýmen ásemdeıdi. Qazir Taıchýn aýyly tórtkúl dúnıeden týrıster arnaıy izdep baratyn aýmaqqa aınalǵan.
Ilonnyń kezekti ıgiligi
Ilon Mask taǵy da chıp shyǵardy. Bul jolǵy «Blindsight» chıpi kórý qabiletin qaıtarady.
Qurylǵy eki kózi men kórý júıkesin joǵaltqandarǵa kórý múmkindigin syılaıdy. Eger kórý qyrtysy bútin bolsa, týǵannan kórmeıtinder de dúnıeniń jaryǵyn tamashalaı alady. «Bastapqyda kórý «Atari» grafıkasy sııaqty tómen ajyratymdylyqta bolady. Biraq ýaqyt óte esh kedergisiz kóredi. Infraqyzyl, ýltrakúlgin, tipti radıolokasııalyq dıapazondarǵa jetedi», deıdi Ilon.
Altyn qandy adam
Djeıms Harrısondy bári «altyn qandy adam» dep atap ketken. Sebebi 70 jyl buryn ol mıllıondaǵan adam ómirin qutqaratyn erekshe sheshim shyǵarǵan.
Onyń qanynda D rezýs-faktorynyń antıgenine qarsy antıdeneler bar bolǵan. Qan plazmasynyń negizinde qan sarysýy jasalyp, ózge emdelýshilerge qoldanyla bastady. Harrıson 57 jyl boıy 3 aptada bir ret qan tapsyryp turǵan. 2011 jyly ol 1000 ret qan tapsyryp, Gınnestiń rekortar kitabyna endi. 2015 jylǵa deıin Aýstralııanyń búkil antırezýstik dári-dármekteri Djeımstiń qan plazmasymen jasalyp keldi. Djeıs Harrıson arqasynda 2,4 mıllıonnan astam náreste aman qaldy, olardyń ishinde Djeımstiń óz qyzy da bar.
