foto Polisia.kz
Qart ákesine kútýshi jaldaǵan elorda turǵyny qundy zattardyń joǵalǵanyn ańǵarǵan. Jatyn bólmedegi sóreden 12 saqına, bir qol saǵat, eki jup syrǵa jáne altyn alqa salynǵan sómkeni taýyp alǵan áıel sol sómkeni aldymen úıdiń ishine tyǵyp qoıǵan. Keıin sómkedegi altyndardy eshkim izdemegenine kózi jetken soń, olardy qoldy qylyp, ózi eshteńe bolmaǵandaı jumysyn jalǵastyra bergen.
Alaıda úı ıeleri zergerlik buıymdardyń joǵalyp ketkenin baıqaǵan sátte polısııa kómegine júgingen. Jedel-izdestirý is-sharalaryn ótkizý barysynda Esil aýdanynyń krımınaldyq polısııa qyzmetkerleri urlyqty 47 jastaǵy kútýshi áıel jasaǵanyn anyqtady. Ol urlaǵan buıymdarynyń barlyǵyn lombardqa ótkizip, 1,5 mln teńge paıda kórgenin moıyndady.
Atalǵan fakti boıynsha qylmystyq is qozǵalyp, zergerlik buıymdar tolyqtaı tárkilenip, ıesine qaıtaryldy.
