Sýret: ru.freepik.com
«Biz búgin jańa energetıkalyq kezeńniń aldynda turmyz. AES – tek elektr qýatyn óndirýdiń senimdi kózi emes, sondaı-aq elimizdiń ekonomıkalyq damýynyń qozǵaýshy kúshi. Qazir biz elektr energııasynyń 70 paıyzyn kómir elektr stansalarynan alyp otyrmyz. Alaıda olardyń ekologııalyq turǵydan tıimsiz ekeni belgili. Kómirden bólinetin zııandy zattar atmosferaǵa aıtarlyqtaı áser etedi, al stansalardyń tozý deńgeıi 70 paıyzǵa jetken. AES salý – osy máselelerdi sheshýdiń birden-bir tıimdi joly. Biz zamanaýı III jáne III+ býyn reaktorlaryn qoldaný arqyly qaýipsizdiktiń joǵary deńgeıin qamtamasyz etemiz. Bul halyqaralyq standarttarǵa sáıkes keletin tehnologııalar», dedi L.Turlashov.
Kezdesý barysynda «Nur kagazy» óndiris kompanııasynyń qyzmetkeri Sábıt Tastemirov elektr qýatynyń jetispeýshiligi, onyń óndiris pen bızneske tıgizetin áseri týraly ózindik oıyn ortaǵa saldy.
«Búginde óndiris oryndary úshin senimdi elektr energııasy aýadaı qajet. 2023 jyly biz Reseıden 2 mlrd kVt/saǵ elektr energııasyn ımporttaýǵa májbúr boldyq, bul qyrýar qarajatty qajet etti. Mundaı táýeldilik bizdi syrtqy faktorlar aldynda osal etedi jáne ekonomıkamyzǵa teris áser tıgizedi. AES salý arqyly ózimizdi turaqty energııamen qamtamasyz etip qana qoımaı, artyq qýatty shetelge de sata alamyz. Bul bizdiń ekonomıkamyzdy kúsheıtip, halyqtyń ómir súrý sapasyn arttyrýǵa septigin tıgizedi», dedi ol.
Sonymen qatar óndiris mamany AES salý nátıjesinde jańa jumys oryndary ashylyp, memleketimizdiń energetıkalyq ınfraqurylymy jańa deńgeıge kóteriledi dep úmittenetinin aıtty. Onymen qosa árbir azamatty aldaǵy referendýmǵa qatysyp, eldiń energetıkalyq bolashaǵyna óz úlesin qosýǵa shaqyrdy.
Kezdesýde qatysýshylar stansa jobasynyń ekonomıkalyq jáne ekologııalyq tıimdiligin talqylady. Ujym músheleri atom energetıkasynyń el bolashaǵy úshin mańyzdylyǵyn túsinip, ony qoldaýǵa daıyn ekenderin bildirdi.
Elmen emen-jarqyn júzdesip, pikirlesken Halyq shtaby músheleriniń basty maqsaty – azamattarǵa AES qurylysynyń mańyzy men onyń elge ákeletin paıdasy týraly jan-jaqty aqparat berý. Osylaısha, aldaǵy referendýmǵa qatysýǵa jáne eldiń energetıkalyq bolashaǵyn anyqtaýǵa atsalysýǵa shaqyrdy.
Almaty oblysy
