Atalǵan is-sharany QR Prezıdentiniń janyndaǵy Adam quqyqtary jónindegi komıssııa, S.Seıfýllın atyndaǵy Qazaq agrotehnıkalyq zertteý ýnıversıteti jáne «Akselerator dobra: Izgilik elshisi» Ulttyq eriktiler qozǵalysymen birlesip uıymdastyrdy.
Vebınardyń moderatory QR Prezıdentiniń janyndaǵy Adam quqyqtary jónindegi komıssııanyń tóraǵasy Igor Rogov boldy.
Vebınardyń negizgi baıandamashysy Eýropa Keńesi adam quqyqtary jónindegi dırektoratynyń yntymaqtastyq baǵdarlamalary basqarmasynyń bólim basshysy Sergeı Dıkman boldy, ol Eýropalyq Odaq elderindegi advokattardyń quqyqtyq mártebesi týraly aıtyp berdi.
Is-sharaǵa sondaı-aq QR Ádilet vıse-mınıstri Laýra Mersalımova, Respýblıkalyq advokattar alqasynyń tóraǵasy Aıdyn Bıkebaev, Basqarma múshesi - operasııalyq qyzmet jónindegi prorektor Saparhan Omarov, QR Prezıdentiniń janyndaǵy Adam quqyqtary jónindegi komıssııa tóraǵasynyń orynbasary, Sorbonna-Qazaqstan Instıtýtynyń dırektory Aınur Sábıtova, QR Prezıdentiniń janyndaǵy Adam quqyqtary jónindegi komıssııanyń hatshysy Álııa Ehlasova qatysty. Sonymen qatar qashyqtan baılanysta bolǵandar: QR Prezıdenti janyndaǵy Adam quqyqtary jónindegi komıssııanyń músheleri men Saraptamalyq keńesi, advokattar, Ádilet mınıstrligi ortalyq apparatynyń jáne aýmaqtyq bólimshelerdiń tıisti qyzmetkerleri, «Akselerator dobra: Izgilik elshisi» eriktileri.
Atalǵan is-shara Prezıdent janyndaǵy Adam quqyqtary jónindegi komıssııanyń otyrysy qarsańynda ótkizildi, onda Qazaqstanda advokatýra ınstıtýtyn damytý máselesin qaraý josparǵa alynǵan.
Vebınar praktık-zańgerlerdiń, advokattardyń, memlekettik organdar men qoǵamdyq uıymdardyń ókilderiniń zor qyzyǵýshylyǵyn týǵyzdy.
