Sýret: ru.freepik.com
«Qazaqstannyń energetıka salasyn damytý shuǵyl sheshimderdi talap etip otyr. Atom energetıkasy – elimizdi energııamen qamtamasyz etý ári onyń ekonomıkalyq turaqtylyǵyn qamtamasyz etý jolyndaǵy basty qadam. Qazaqstannyń damyǵan elder qataryna qosylýy úshin atom elektr stansasy qajet. Búgingi tańda AES búkil álemde qarqyndy túrde paıdalanylyp keledi jáne elimiz úshin eń jaqsy nusqany tańdaý – bizdiń mindetimiz», dedi N.Baıqadamov.
Ardagerler men aýdan turǵyndary Prezıdent Joldaýynda aıtylǵan bastamaǵa qoldaý bildirip, ózderin tolǵandyrǵan saýaldaryn qoıdy. Senatorlar aqsaqaldarmen kezdesýden keıin Turan aýyldyq okrýginiń turǵyndarymen pikirlesip, jasyl energetıkanyń artyqshylyǵy men atom energetıkasyn damytý jospary týraly áńgimeledi. Sondaı-aq R.Rústemov tabıǵı gazdy jetkizýdegi turaqsyzdyq pen ony óndirýdiń qysqarýy jaǵdaıynda atom energetıkasy el ekonomıkasyn damytýdyń senimdi kózine aınalatynyn jetkizdi.
«Atom elektr stansalarynyń qurylysy da jumys oryndaryn ashýǵa, jańa tehnologııany damytýǵa jáne elimizdiń turaqty energetıkalyq bolashaǵyn qamtamasyz etýge septigin tıgizedi. Bul ekonomıkany nyǵaıtyp qana qoımaı, elektr qýatynyń tapshylyǵyn sheshýdiń bir joly bolmaq», dedi R.Rústemov.
