foto Senattyń baspasóz qyzmeti
Senatorlar kezdesý barysynda atom elektr stansııasyn salý qajettigi jáne onyń el ekonomıkasyna da, halyqtyń ál-aýqatyna da áseri týraly aıtty. Bekbolat Orynbekov atom elektr stansııasy elimizdiń kómir elektr stansııalaryna táýeldiligin edáýir tómendetýge múmkindik beretinin atap ótti. Kómirdi negizgi energııa kózi retinde paıdalaný qorshaǵan ortany aýyr zardapqa ushyratady, onyń ishinde aýa men sýdy lastaıdy. Bul halyqtyń densaýlyǵy men qorshaǵan ortaǵa teris áser etedi.
«AES paıdalanýǵa berilgende kómirqyshqyl gazy men basqa da zııandy zattardyń shyǵaryndysyn edáýir qysqartýǵa múmkindik týady, bul klımattyń ózgerýine qarsy jahandyq kúreske eleýli úles bolady. Shyǵaryndynyń azaıýy aýa sapasyn jaqsartýǵa jáne ekologııalyq turaqtylyqty arttyrýǵa yqpal etedi, bul óz kezeginde bolashaq urpaqqa jaıly jáne qaýipsiz orta qalyptastyrýǵa múmkindik beredi. Atom energııasyna kóshý energetıka salasyndaǵy jańa tehnologııa men ınnovasııalyq tásilderdi damytýǵa yqpal etedi jáne turaqty ári senimdi energııamen jabdyqtaýdy qamtamasyz etedi», dedi Bekbolat Orynbekov.
