Foto Senattyń baspasóz qyzmeti
Senatorlar AES qurylysynyń bolashaǵy jáne onyń el ómirindegi mańyzy týraly egjeı-tegjeıli aıtyp berdi. Lázzat Rysbekova jahandyq energetıkalyq daǵdarys jaǵdaıynda Qazaqstannyń ekologııasy men bolashaǵy máselesine erekshe nazar aýdardy. Onyń aıtýynsha, atom elektr stansııasy elimizdiń energetıka salasynyń uzaq merzimdi turaqtylyǵyn qamtamasyz etýdegi basty joba bolady.
«Taza energııamen qamtamasyz etý – bul qazirgi jaı ǵana másele emes, bul bolashaq urpaqtyń ál-aýqatyna qosylatyn úles. Biz AES Qazaqstanǵa energııa tapshylyǵy máselesin sheship qana qoımaı, býlaný gazdary shyǵaryndysyn barynsha azaıtatyn eldiń úlgisi bolýǵa múmkindik beretini týraly aıtyp otyrmyz. Klımattyń ózgerýi jahandyq qaýipke aınalǵan jaǵdaıda bul qadam ekonomıkalyq qajettilik qana emes, sonymen qatar qorshaǵan orta men bolashaq urpaq aldyndaǵy jaýapkershiligimiz», dep atap ótti Lázzat Rysbekova.
Batys qazaqstandyqtar bolashaq atom elektr stansııasynyń qaýipsizdigi týraly suraqtar qoıdy. Arman О́teǵulov oǵan jaýap retinde stansııanyń senimdiligin qamtamasyz etý úshin qabyldanatyn sharalardy túsindirdi.
«AES qurylysy men paıdalanýdyń barlyq kezeńderinde qaýipsizdikke basymdyq beriledi. Memlekettik retteýshi organ lısenzııa berý men turaqty ınspeksııa júrgizýden bastap halyqaralyq qaýipsizdik qaǵıdalary men erejelerin saqtaýǵa deıingi stansııa operatorynyń qyzmetin baqylaýǵa tolyq jaýapty bolady. Iаdrolyq tehnologııany jetkizýshi atom elektr stansııasynyń barlyq jabdyqtarynyń jaramdy kúıine tolyq kepildik beredi. Eger qurylymda qandaı da bir aqaý nemese problema anyqtalsa, jetkizýshi aqaýly jumystyń kez kelgen saldaryn joıýǵa tolyq jaýapty bolady», dedi ol.
