Foto: kursiv.media
Sergeı Karplıýk jergilikti turǵyndarmen tildesý barysynda Qazaqstandy turaqty energııamen jabdyqtaýdaǵy AES qurylysynyń mán-jaıyn egjeı-tegjeıli túsindirgen. Ol elimizde elektr energııasyn tutynýdyń ósýine baılanysty energetıkalyq qaýipsizdikti qamtamasyz etý úshin tıimdi sharalar qabyldaý qajettigin atap ótti.
Senator AES qurylysy energııa tapshylyǵy máselesin sheship qana qoımaı, jańa jumys oryndaryn ashatynyn atap ótti. Bul ásirese jas mamandar úshin mańyzdy ekenin aıtty.
«Atom elektr stansııasy bolashaq urpaqty turaqty energııamen qamtamasyz etýge negiz bola alady. Bul elimizdiń ekonomıkalyq jáne energetıkalyq táýelsizdigin nyǵaıtý jolyndaǵy mańyzdy qadam», dedi Sergeı Karplıýk.
Jergilikti turǵyndar jobanyń qaýipsizdigi men ekologııalyq aspektilerine nazar aýdara otyryp, usynylǵan bastamalardy belsendi túrde talqylaǵan. Senator talqylaý barysynda AES-ti paıdalaný qaýipsizdigi men ekologııalyq standarttarǵa qatysty azamattardy tolǵandyratyn suraqtarǵa tolyq jaýap bergen.
Kezdesý qorytyndysy boıynsha kóptegen qatysýshy jobaǵa qoldaý bildirip, óńirdiń jáne búkil elimizdiń ekonomıkalyq damýy úshin onyń mańyzdylyǵyn atap ótti.
