Foto: Senattyń baspasóz qyzmeti
Qaırat Tastekeev atom elektr stansııasyn salý – Qazaqstannyń energetıkalyq qaýipsizdigin qamtamasyz etýdiń negizgi qadamy ekendigine nazar aýdardy. Ol atom elektr stansııasy elektr energııasynyń tapshylyǵyn azaıta otyryp, elimizdi energııamen jabdyqtaýda turaqtylyq pen senimdilikti qamtamasyz etetinin, sondaı-aq uzaq merzimdi ekonomıkalyq paıda ákeletinin atap ótti.
Senator atom energetıkasyn damytý joǵary tehnologııalyq sheshimderdi engizýge yqpal etetinin, sondaı-aq otandyq ǵylym men bilimge oń áser etetinin atap ótti.
«AES salý – bul jaı ǵana strategııalyq sheshim emes, bul bolashaq urpaq úshin Qazaqstannyń aldaǵy jyldarǵa turaqty damýyn qamtamasyz etetin mańyzdy qadam», dep atap ótti Qaırat Tastekeev.
Kezdesý barysynda óńirdiń ekonomıkalyq damýy jáne atom energetıkasynyń ǵylymdy qajetsinetin tehnologııalardy jedel damytý jónindegi máseleler talqylandy. Respýblıkalyq halyq shtabynyń músheleri Qazaqstannyń árbir azamatynyń aldaǵy referendýmǵa qatysýy eldiń bolashaǵy úshin asa mańyzdy ekenin atap ótti.
Kezdesý belsendi pikirlesý túrinde ótti jáne onda turǵyndar jobanyń qaýipsizdigi men ekologııalyq máselelerine qatysty suraqtar qoıdy. Qoıylǵan barlyq suraqqa tolyq jaýap berildi.
