Nurbek Qulbaev asyl tuqymdy ǵıssar qoı ósirýmen aınalysady. Alǵashynda biraz ýaqyt aqsha jınap, shetelden tólin satyp alǵan. Qylshyq júndi qoı – iri, ortasha salmaǵy 150 kılodaı bolady. 5-6 aılyq tóliniń ózi kádimgi qoıdyń salmaǵyna teń. Bul erekshe mal kóbine Tájikstan, О́zbekstan, Qyrǵyzstanda ósiriledi. Asyl tuqymdy qoıdyń qulaǵy men boıy uzyn, bitimi ózgeshe. Al baǵasy árıne, óte qymbat.
Tabyt qunyna teń syrǵa
«Oskar» syılyǵynyń laýreaty, amerıkalyq akter Morgan Frımannyń atyn bilmeseńiz de, túrin mindetti túrde shyramytýyńyz kerek. Tipti «er adam syrǵa taǵa ma» dep sókken de shyǵarsyz...
Dúnıe júziniń bar dańqyna ıe bolǵan ol únemi izgilik sózin sóılep júredi. Kórermenderi sondyqtan da erekshe yqylas tanytady. Biraq qulaǵyna únemi altyn syrǵa taǵyp júretinin jurt qabyldaı qoımaıtyn. Bir kúni Morgan «Bul syrǵalardyń ózindik syry bar. Eger men úıden, elden tys jerde jan tapsyrsam, jurt syrǵany satyp, tabyt alady. Bul meniń tabytymnyń qunyna teń altyn ári únemi ólimdi eske salyp turady», dep túsindirdi. Osydan keıin akterge jurttyń qurmeti odan saıyn arta tústi.
Jetpis jyldan keıin tabyldy
AQSh-ta 70 jyl buryn urlanǵan bala tabyldy. Oǵan DNQ synaǵy kómektesti.
Lýıst Armando Albıno 1950 jyly joǵalyp ketken eken. Ony bireýler urlap, asyrap alǵan. Týystary qansha jyl izdep, taba almaǵannan keıin kúderin úzgen kórinedi. Bıyl aǵasy men balalary sońǵy ret tyrysyp kóremiz dep bel býady. О́zderiniń DNQ synaǵyn derekqorǵa salyp, ózgelermen uqsastyǵyn saralaıdy. Sonda test beıtanys adammen 22% uqsastyq tapqan. Sodan týystary álgi adamnyń mekenjaıyn taýyp, izdep barady, tildesedi. Rasynda da ol qansha jyl buryn joǵalǵan baýyry bolyp shyǵady. Amerıkalyqtar «Tehnologııa baýyrlardy tabystyrdy» dep shýlasyp jatyr. Ras-aý!
