Foto: kursiv.media
Muhtar Ermannyń aıtýynsha, 30 memlekettiń, onyń ishinde 4 iri halyqaralyq uıymnyń atynan barlyǵy 177 baıqaýshy akkredıttelgen.
«Búgingi tańda monıtorıngke qatysatyn halyqaralyq uıymdardyń qatarynda Táýelsiz Memleketter Dostastyǵy, Shanhaı yntymaqtastyq uıymy, Túrki memleketteri uıymy, Azııadaǵy ózara is-qımyl jáne senim sharalary keńesi bar. Jalpy, respýblıkalyq referendýmdy baqylaýǵa 30 shet memlekettiń ókilderi qatysady», dedi Muhtar Erman.
Sonymen qatar Syrtqy ister mınıstriniń orynbasary Roman Vasılenko Syrtqy ister mınıstrliginde álemniń 14 elinen 38 BAQ-tyń 162 sheteldik jýrnalısi turaqty akkredıttelgenin aıtty.
«Olardyń referendýmdy baqylaýǵa quqyǵy bar. Biraq 38 sheteldik jýrnalıst tikeleı referendýmǵa ýaqytsha akkredıtasııa aldy. Jalpy referendýmdy 37 elden 200 sheteldik jýrnalıst baqylaıdy», dep túsindirdi ol.
Al Qyrǵyzstan astanasynda Qazaqstan Respýblıkasy Elshiligi janyndaǵy saılaý ýchaskesinde AES qurylysy boıynsha aldaǵy respýblıkalyq referendýmǵa belsendi daıyndyq jumystary júrgizilip jatyr. Tizimde 300-den astam el azamattary bar ekeni habarlandy.
