Kórme úsh bólimnen turady. «Kóne Túrkistan tarıhy» dep atalatyn birinshi bólimde qola dáýiri eskertkishteri Sherbaı, Shpan qorymdarynan tabylǵan qyshtan jasalǵan qumyra, saptyaıaq, qazan tektes
ydystar qoıylǵan. Sonymen qatar, kóne Túrkistan tarıhynan syr shertetin Shaýǵar-Shoıtóbe, Iаsy-Kúltóbe qalalarynyń tarıhı jádigerleri de erekshe kóz tartady.
«Qoja Ahmet Iаsaýıdiń ómiri men murasy» atty ekinshi bólim Iаsaýı murasy men ilimi jóninde keń maǵlumat beredi. Al «Túrkistan – túrki áleminiń rýhanı astanasy» dep atalatyn úshinshi bólimde Qoja Ahmet Iаsaýı kesenesiniń salyný tarıhy, onyń sáýlet erekshelikteri, kesene ishindegi baǵa jetpes jádigerler týraly málimet berilgen.
«Kıeli Túrkistan topyraǵynan jetken kóne jádigerlerdi kórip, tań-tamasha bolyp jatqandar kóp. О́ńiraralyq mádenı baılanys jobasy aıasynda osyndaı qundy jádigerlerdi ákelip, Tobyl óńiri turǵyndaryn kózaıym etken «Áziret Sultan» ulttyq tarıhı-mádenı murajaı-qoryǵynyń ujymyna shyn júrekten alǵys bildiremiz», deıdi mýzeı basshysy Gúljan Ermashqyzy.
Qostanaı oblysy
