Foto: Ǵylym jáne joǵary bilim mınıstrligi
Eki aptalyq UBT qorytyndysy boıynsha talapkerlerdiń 61%-y shekti ball jınady. Bes pán boıynsha ortasha ball – 59, al eń joǵary nátıje – 136 ball. Erekshe bilim berý qajettilikteri bar oqýǵa túsýshiler úshin qolaıly jaǵdaılar jasalyp, 192 talapker arnaıy múmkindikpen testileýge qatysqan.
Talapkerler test tapsyrmalaryn test aıaqtalǵan soń 30 mınýt ishinde apellıasııaǵa bere alady. Tehnıkalyq sebepter týyndaǵan jaǵdaıda apellıasııa tikeleı testileý kezinde qabyldanady. Nátıjeleri bar sertıfıkattar apellıasııa qarastyrylǵan soń jeke kabınetterde qoljetimdi bolady.
Eki aptalyq testileý kezinde 117 ereje buzýshylyq tirkeldi. Onyń ishinde 69 talapker smartfon, shpargalka jáne tyıym salynǵan zattardy alyp kirmek bolǵany úshin testileýden shettetildi, taǵy 48 adam aýdıtorııadan shyǵarylady. Bul tulǵalardyń nátıjeleri joıyldy. О́zge adamdardyń ornyna kirý faktileri anyqtalǵan joq.
2026 jylǵy UBT aıaqtalǵannan keıin kúntizbelik jyldyń 31 qazanyna deıin beınejazbalarǵa taldaý júrgiziledi. Tyıym salynǵan zattardy paıdalaný nemese erejelerdi buzý anyqtalǵan jaǵdaıda UBT nátıjeleri joıylady.
Aıta ketý kerek, testileýge qatysýǵa 184 myńǵa jýyq kelip túsken. Bul UBT-nyń joǵary suranystaǵy jáne keń qamtylǵanyn kórsetedi.
