Denıs Ten – el sporty tarıhynda óshpes iz qaldyrǵan eren tulǵa. 1993 jylǵy 13 maýsymda Almatyda dúnıege kelgen ol balaýsa shaǵynan sporttyń osy túrin serik etti. О́z qatarlastarynyń aldy bolyp, eresekter dýyna erkin qosyldy. 2010 jyly 16 jasynda Vankýverde alaýy tutanǵan qysqy Olımpııa oıyndaryna qatysty. Úıeńki japyraqtar elindegi jarysty jas daryn 11-orynmen qorytyndylady. Ár jyldary Nıkolaı Morozov, Frenk Keroll, Rafael Arýtýnıan, Elena Býıanova, Tatıana Tarasova syndy ataqtary alysqa jaıylǵan maıtalman mamandardan tálim-tárbıe alǵan Denıs kóptegen belesti baǵyndyrdy. Atap aıtsaq, Azııa oıynda-rynyń jeńimpazy (2011), álem chempıonatynyń kúmis (2013), qola (2015) júldegeri, Sochı Olımpıadasynyń qola júldegeri (2014), Tórt qurlyq chempıonaty (2015) men Dúnıejúzilik ýnıversıadanyń (2016) jeńimpazy atandy. Denıs Tenge deıin birde-bir mánerlep syrǵanaýshymyz dál osyndaı orasan zor jetistikke jetpegen edi.
Denıs Olımpııa oıyndary men álem chempıonattarynda qazaq eliniń ánuranyn shyrqatyp, týyn bıikte jelbiretýdi armandady. Sol maqsatyna jetý jolynda jatpaı-turmaı daıarlandy. Biraq 2018 jylǵy 19 shildede Almatynyń qaq ortasynda áıgili sportshy qapııada qandyqol qaraqshylardyń qolynan qaza tapty. Ol nebári 25 jasta edi...
Jyl saıyn elimizde Denıs Tendi eske alýǵa arnalǵan túrli sharalar úzdiksiz uıymdastyrylyp turady. Solardyń biri – osy týrnır. Bıyl Astanada ótetin dodaǵa 31 memleketten kelgen 120-dan asa sportshy qatysady. Solardyń arasynda Dıas Jırenbaev (Qazaqstan), Danıel Grassl (Italııa), Anastasııa Gýbanova (Grýzııa), Star Endrıýs (AQSh), Aleksa Rakıch (Kanada), Ie Kýan men Hanna Lım (Ońtústik Koreıa) syndy sańlaqtar bar.
