Qostanaı oblysynda ákimniń orynbasaryn 1 teńge tóleýge mindettedi

QOSTANAI. 28 sáýir. Qostanaı oblysy Qarabalyq aýdandyq soty kásipkerdiń aýdan ákiminiń orynbasary Almas Sultanovtan moraldyq zııany úshin 1 teńge ótemaqy óndirý talabyn qanaǵattandyrdy. Sot sheshimine sheneýnik  kelispeıtinin bildirip, aryzdandy.  Bul týraly alau.kz habarlady. Sultanov aýdandyq balalar kitaphanasyna jóndeý jumystarynyń júrgizilýine jetekshilik etti. Onyń ústinen sotqa aryzdanǵan kásipker  jóndeý jumystaryn júrgizedi.  Oqıǵa ótken jyldyń  7 maýsymynda bolady. Kýrator men merdiger kitaphana ǵımaratynyń aldynda sóılesip turady.  Azamattyq sottyń materıaldarynda aıtylǵandaı, merdigermen kelispeı qalǵan  Sultanov kóńil kúı erkine berilip,  kásipkerdi jaǵasynan alady da, ony bylapyttap,  ǵımarattyń aldyna súırep ákeledi.  Kásipkerdiń ary men ujdany aıaqqa taptalady. Sotta kásipker muny kýágerlermen dáleldeıdi. Aýdandyq sot  Almas Sultanovtan  jeke kásipker Hogaevqa moraldyq nuqsan keltirgeni úshin 1 teńge kóleminde ótemaqy berýge qaýly shyǵarady.  Sot sheshimi áli kúshine engen joq.  Qazir Sultanov sot sheshimine narazylyǵyn bildirip, apellıasııalyq aryz berdi. Názıra Járimbetova. Derek, sýret:  alau.kz