Ashyq derekkóz
Ázirge vırýstyń emi tabylmaǵan. Sondyqtan ol úlken qaýip týdyrady.
Rýanda Densaýlyq saqtaý mınıstrliginiń málimetinshe, aýrýdyń órshýi eldiń 30 aımaǵynyń jeteýinde, sonyń ishinde astana Kıgalıde tirkeldi. Juqtyrǵandar arasynda densaýlyq saqtaý salasynyń qyzmetkerleri kóp, olar barlyq rastalǵan jaǵdaılardyń 70%-dan astamyn quraıdy. Bul mamandardy alańdatyp otyr, óıtkeni vırýs ońaı taralyp, densaýlyq saqtaý mekemelerine enip úlgergen.
Keıbir juqtyrǵan adamdar shetelge saıahattaǵan jáne eshqandaı sımptomdar baıqalmaǵanymen, tasymaldaýshy retinde ınfeksııany basqalarǵa juqtyrǵan.
Marbýrg vırýsy gemorragııalyq qyzbany týdyrady jáne Ebola vırýsymen bir topqa jatady.
Ol juqtyrǵandarmen tikeleı baılanysta, zaqymdalǵan teri nemese shyryshty qabattar arqyly, sondaı-aq qan arqyly beriledi. Aýrýdyń belgileri — dene qyzýynyń kenetten kóterilýi, qatty álsizdik jáne ishki aǵzalardan qan ketý.
DDSU elderdi múmkin bolatyn epıdemııanyń aldyn alý sharalaryn kúsheıtip, epıdemııaǵa daıyndyq josparlaryn ázirleýge shaqyrýda. Mamandyqtar epıdemıologııalyq monıtorıngti úzdiksiz júrgizip, qaýipti aımaqtardaǵy memleketterge qoldaý kórsetip jatyr.
