Oblys halqynyń jekemenshik úıleri men kommýnaldyq ǵımarattar jyl boıy orta eseppen 419 myń tonna kómir tutynady, al búgingi tańda tek 259 myń tonna ǵana kómir qoımalarǵa úıilgen. Bul belgilengen mejeniń 61 paıyzy ǵana. Byltyrǵymen qosa eseptegende, oblystyń bıýdjettik mekemelerine bıyl 146 myń, al turǵyndarǵa 399 myń tonna kómir kerek.
Soltústik Qazaqstan oblysy Energetıka jáne turǵyn úı-kommýnaldyq sharýashylyq basqarmasynyń basshysy V.Lýkınniń aıtýyna qaraǵanda, kómir taratýda ázirge eshqandaı talas-tartys, ábigershilik joq. Baǵanyń da byltyrǵydan kóp aıyrmashylyǵy baıqalmaıdy.
Kómir tasýshylar qalanyń sheginde jekemenshik úılerge ákelgenine taǵy 8 myń teńge ústeme qosady. Jarnamada zeınetkerlerge jeńildik beremiz dep jazǵandarymen, túrli syltaýmen eshqandaı jeńildik bermeıdi. Sonymen turǵyn úıler 4 tonna kómir alsa, 85-88 myńdaı aqsha tóleıdi.
Petropavl qalasynyń aýmaǵyndaǵy temirjol tuıyqtyqtarynda qazir ártúrli kómirdiń 3 myń tonnadaı zapasy jatyr. Olardy negizinen qalanyń «Jylý» JK, «Promınvestýgol» JShS, «Otyn LTD» JShS, «Ýgol NORD» JShS sııaqty tórt kásiporny taratady. Báriniń baǵasy joǵaryda aıtqanymyzdaı, 16-20 myń teńgeniń aralyǵynda.
Tabıǵı monopolııalardy retteý komıtetiniń Soltústik Qazaqstan oblysy boıynsha departamentiniń bólim basshysy Vıacheslav Lýkınyhtyń aıtýyna qaraǵanda, kómirdiń qymbattaýyna baılanysty byltyr Petropavl qalasy men barlyq kásiporyn men mekemege jylý men jaryq beretin JEO-2 kásipornynyń ıesi «SevKazEnergo» AQ byltyrǵy 1 qańtardan bastap ózderiniń tarıfin 7,8 paıyzǵa arttyratynyn málimdegen. Alaıda antımonopolııalyq departament tarıfti arttyrý týraly ótinimdi qanaǵattandyrýdan bas tartqan. «SevKazEnergo» AQ sotqa talap-aryz berip, ózderiniń pozısııasyn jaqtaýdy ótingen. Sottyń birinshi, appelıasııalyq ınstansııasy kásiporynnyń talaptaryn oryndy dep sheship, jeńisti «SevKazEnergo» AQ-ǵa bergen. Alaıda antımonopolııalyq departament Joǵarǵy sotqa kassasııalyq shaǵym jazyp, ózderiniń pozısııasynyń durystyǵyn dáleldep shyǵypty. «Biraq bıyl bul kásiporyn báribir tarıfti azdap ósiretin shyǵar. О́ıtkeni kómir baǵasy byltyrǵydan aıtarlyqtaı artpaǵanymen, baǵanyń jappaı ósýi áser etpeı qoımaıdy», deıdi maman.
Departamenttiń 2024 jyl kezeńindegi baqylaý, talap-aryz jumystaryna toqtala keteıik. Jyl basynan beri departament 6 ákimshilik iske qatysqan. Eki ákimshilik iske qatysty tatýlasý týraly kelisimder jasalyp, qalǵan ákimshilik ister jónindegi sottardyń sheshimderi zańdy kúshine enbegen, belgilengen tártippen shaǵymdaný áli de jalǵasyp jatyr.
Segiz azamattyq is jónindegi sot sheshimderi departamenttiń paıdasyna shyǵarylǵan. «Osy jyly Departamenttiń ótinishi negizinde «Qamqor-2023» JShS-na qatysty jospardan tys tekserý júrgizildi, onyń qorytyndysyna sáıkes tabıǵı monopolııa sýbektisi bolyp tabylatyn kásiporyn departament bekitpegen, úlkeıtilgen tarıfti qoldanǵanyna baılanysty Ákimshilik quqyq buzýshylyq týraly Kodekstiń 164-babymen ákimshilik jaýapkershilikke tartylyp, kásiporynǵa 516 880 teńge kóleminde ákimshilik aıyppul salyndy», dedi V.Lýkınyh.
Soltústik Qazaqstan oblysy
