foto Astana О́KQ
Daýys berý kezinde erekshe qajettilikteri bar azamattar úshin saılaý ýchaskelerinde qolaıly jaǵdaı jasaldy.
Referendým ýchaskelerinde pandýstar, tutqalar men taktıldi belgiler, kórý qabileti buzylǵan azamattarǵa aýdıojazbany tyńdaǵannan keıin bıýlletenderdi óz betinshe toltyrýǵa múmkindik beretin qoljetimdi trafaretter ornatyldy. Sonymen qatar múmkindigi shekteýli adamdar tirkelgen ýchaskelerde jeke kómekshiler men sýrdoaýdarmashylar qyzmet kórsetedi.
Astana turǵyny Ásemgúl Ábdirahmanova №83 mektep-gımnazııada ornalasqan №56 saılaý ýchaskesine ınvataksı arqyly keldi. Saılaý ýchaskesinde oǵan yńǵaıly jáne qoljetimdi daýys berý úshin barlyq múmkindik berildi.
«Ýchaskege kelgenimde eriktiler qarsy alyp, jol kórsetti. Bul referendým - múmkindigi shekteýli jandar úshin de múmkin emes nárse joq ekenin kórsetti», dedi saılaýshy.
