«Mundaı mańyzdy is-sharaǵa tuńǵysh ret qatysyp, ózimniń azamattyq tańdaýymdy jasadym. El bolashaǵy úshin daýys berdim. Bul, ásirese, jastar úshin mańyzdy referendým dep oılaımyn. О́ıtkeni bolashaq – jastardyń qolynda. Daýys berý quqyna ıe árbir azamat búgingi múmkindikti paıdalanýy kerek», deıdi Shyńǵyshan.
Atalǵan ýchaskede Qalalyq ardagerler keńesiniń tóraǵasy Tatıana Eskendirova da daýys berdi.
«Búgingi referendýmnyń mańyzyn óte jaqsy túsinemin. Tańdaý jasaý árkimniń óz erki. Búgin - elimiz úshin tarıhı kún. О́zderińiz kórip tursyzdar, ýchaskege kelip ketip jatqandardyń ishinde jastardyń qarasy kóp. Bul ókshemizdi basyp kele jatqan keıingi býynnyń el keleshegine beı-jaı qaramaıtynyn kórsetedi», deıdi Tatıana Eskendirova.
Qostanaı oblysy
