Foto: Úkimettiń baspasóz qyzmeti
Aıta keteıik, qujat Aqtaý qalasynyń magıstraldy jylý jelilerin rekonstrýksııalaý jobasyn iske asyrý úshin 5 mlrd teńgeni Mańǵystaý oblysynyń bıýdjetine maqsatty transfertter túrinde aýdarýdy qarastyrady.
Atap aıtqanda, bul qarajat jergilikti bıýdjetten birlesip qarjylandyrýdy eskere otyryp, jumystyń jalpy qunynyń 10% mólsherinde avtomobıl jolynyń eń tozyǵy jetken uzyndyǵy 11,5 km ýchaskesin rekonstrýksııalaýǵa baǵyttalǵan.
Eske sala keteıik, buǵan deıin merdiger uıymnyń qarajaty esebinen shamamen 11,5 shaqyrym jylý jelisi tartylǵan edi.
Úkimettiń baspasóz qyzmeti habarlaǵandaı, jalpy 2024-2026 jyldary aralyǵynda tozý deńgeıi 75%-dan asatyn 44 shaqyrym magıstraldy jylý qubyryn kezeń-kezeńimen aýystyrý qajet. Aqtaý qalasynyń jylý jelileriniń negizgi bóligi 1962 jyldan beri qoldanysta.
Qabyldanǵan sharalar nátıjesinde jelilerdiń tozýy tómendetilip, turǵyndarǵa sapaly kommýnaldyq qyzmetter kórsetýge jáne jylytý maýsymynyń úzdiksiz ótýin qamtamasyz etýge múmkindik beredi.
