Foto: ashyq derekkóz
Kásipkerlerdiń múliktik shyǵyndaryn óteý úshin Úkimet rezervinen 12,1 mlrd teńge somasynda qarajat bólindi.
2024 jyldyń 1 qazanyna ShOK sýbektilerinen 15 mlrd teńge somasyna 764 ótinim kelip túsken. Shamamen 12 mlrd teńge somaǵa 630 ótinim boıynsha oń sheshim qabyldandy, onyń ishinde 10,1 mlrd teńgeden astam somaǵa 615 ótinim (ótinimderdiń jalpy sanynyń 80,4%-y) boıynsha tólemder tolyq kólemde júrgizildi.
30 ótinim boıynsha ótemaqy tóleýden bas tartý týraly sheshim qabyldandy. Qalǵan zardap shekken obektiler boıynsha baǵalaý jáne smetalyq jumystar jalǵasyp jatyr, olar aıaqtalǵannan keıin ótinimder О́ńirlik komıssııalardyń qaraýyna shyǵarylady.
О́tinimderdiń basym bóligi Atyraý (423 ótinim) jáne Soltústik Qazaqstan (107 ótinim) oblystarynan kelip tústi. Batys Qazaqstan oblysynan - 87 ótinim, Qostanaı oblysynan - 68 ótinim, Aqtóbe oblysynan - 51 ótinim, sondaı-aq Aqmola oblysynan - 28 ótinim kelip túsken.
Eske sala keteıik, qoldanystaǵy qaǵıdalarǵa sáıkes joǵalǵan múliktiń (ǵımarattardyń, qurylystardyń, jabdyqtardyń) quny, taýarlyq-materıaldyq qundylyqtardyń quny, zaqymdalǵan ǵımarattar men qurylystardy qalpyna keltirý jumystarynyń quny ótelýge jatady.
