Ozyq sheteldik praktıkany eskere otyryp, QR sot ákimshiligin damytý strategııasynyń jobasy ázirlengen. Ony «dóńgelek ústelde» talqylaýǵa Parlament depýtattary, memlekettik organdar, halyqaralyq uıymdar, advokattar qaýymdastyǵy ókilderi, zańgerler jınalǵan.
QR Prezıdentiniń quqyqtyq máseleler jónindegi kómekshisi Erjan Jıenbaev, HSÁQ (MASA) prezıdenti Lýıs Palma jáne Sot tóreliginiń tıimdiligi jónindegi Eýropalyq komıssııanyń (CEPEJ) prezıdenti Franchesko Depaskýal Qazaqstannyń sot menedjmenti modeliniń progressıvtiligin jáne sottardyń IT-ónimderin atap ótti.
Aıta keteıik, halyqaralyq sot uıymdarynyń qyzyǵýshylyǵy - QR sot ákimshiligi salasyndaǵy kóshbasshylardyń biri retinde bedelin taný.
Astanadaǵy EQYU Baǵdarlamalar ofısiniń basshysy Folker Frobart QR avtonomııalyq SÁ-niń qurylýy onyń basqa memlekettik jáne sot organdarymen ózara is-qımylyn odan ári zańnamalyq turǵydan retteýdi talap etetin batyl qadam ekenin anyqtaǵan.
Strategııa, eń aldymen, Memleket basshysynyń sot ákimshiligi salasyndaǵy memlekettik saıasatty qalyptastyrý, sot tóreligin táýelsiz júzege asyrý úshin jaǵdaı jasaý jáne sot júıesi men sottardyń qyzmetin jetildirý boıynsha júıeli reformalardy ázirleý jóninde alǵa qoıǵan mindetterdi sapaly oryndaýǵa arnalǵan.
Bul týraly óz sózinde QR SÁ basshysy N.Ahmetzakırov SÁ-niń qyzmeti sot júıesine degen senimdi arttyrýǵa jáne uzaq merzimdi keleshekte «Sottar bolashaǵyna» ótýge jaǵdaı jasaýǵa baǵyttalǵanyn atap ótti.
Strategııalyq baǵyttar retinde tıimdi sot menedjmenti, sottardy sapaly qamtamasyz etý jáne júıeli damý aıqyndalǵan. Munyń bári sottardyń táýelsizdigin nyǵaıtýǵa jáne zań ústemdigi qaǵıdatyn júzege asyrýdy qamtamasyz etýge múmkindik beredi.
Syndarly pikirtalasqa qatysýshylar aldaǵy ýaqytta birlesken jumys úshin birqatar naqty is-sharalardy belgilegen.
Eske sala keteıik, buǵan deıin Memleket basshysynyń SEPEJ prezıdenti Franchesko Depaskýalemen jáne MASA prezıdenti Lýıs Palmamen kezdesýinde sot ákimshiligin damytý máseleleri talqylanǵan edi.
