Infografıkany jasaǵan – Qonysbaı ShEJIMBAI, «EQ»
«Finprom» deregi boıynsha, bıyl qańtar-tamyz aralyǵynda «Wildberries» alańynda otandastarymyzdyń tapsyrysy ótken jylǵy kezeńge qaraǵanda 2 ese ósken. «Ozon» marketpleısi de fızıkalyq satý kólemin bıyl 12 ese arttyrypty. Halyqaralyq marketpleısterdiń keń óris alýyna satyp alýshylardyń belsendiligi ǵana emes, logıstıkanyń damýy da áser etedi. Máselen, «Wildberries» kompanııasynyń bizdegi iri qalalarda 3 iri logıstıkalyq ortalyǵy bar, qazir Astana men Almatyda taǵy 2 ortalyq salynyp jatyr. Alpaýyt alańnyń baspasóz qyzmetiniń málimetinshe, tapsyrystardy berý pýnktteriniń (TBP) sany ótken jyly 8,9 ese kóbeıgen. Bıyl tamyzda 2023 jyldyń jeltoqsanynyń sońymen salystyrǵanda taǵy 52%-ǵa ósipti.
2024 jyldyń ekinshi toqsanynyń qorytyndysy boıynsha, «Ozon»-daǵy tapsyrystardy berý pýnktteriniń sany 2023 jyldyń sáıkes kezeńimen salystyrǵanda 15 ese ósken.
Byltyr eldegi elektrondyq saýda naryǵy rekordtyq deńgeıge jetip, 2,4 trln teńge boldy. Iаǵnı 24,2%. Tranzaksııalar sany 84,1%-ǵa ósip, 90,2 mln-ǵa jýyqtady. Ulttyq statıstıka bıýrosynyń dereginshe, marketpleıster arqyly satylǵan taýarlar jalpy elektrondyq saýda kóleminiń 72,4%-yna shamalas, bul shamamen 1,8 trln teńgege para-par. Al otandyq uıymdardyń óz saıttary arqyly satý kólemi áldeqaıda az. Bar bolǵany – 672 mln teńge.
«PwC Kazakhstan» kompanııasynyń zertteý qorytyndylaryna súıensek, 2023 jyly elektrondyq saýda ósiminiń negizgi qozǵaýshy kúshi taǵy da halyqaralyq marketpleıster bolǵan. Olardyń satylymy 3,7 ese ósip, jergilikti marketpleıster satylymdy 1,7 ese arttyrǵan. Negizi marketpleısterge tek satyp alýshylar ǵana emes, kásipkerler de úlken qyzyǵýshylyq tanytady. О́tken jyly «Wildberries»-te otandyq satýshylar sany 45%-ǵa ósti, al «Ozon»-da satýshylar sany 4,6 ese artqan. Bıyl da bul úrdis jalǵasyn taýyp otyr.
