Halyqaralyq áýejaı áleýeti

Memleket basshysy Nursultan Nazarbaevtyń jaqynda jarııalaǵan bes ınstıtýttyq reformasyn júzege asyrýǵa baǵyttalǵan 100 naqty qadamda «Eır Astana» áýe tasymaldaýshy jáne «QTJ» ulttyq kompanııalaryn iri halyqaralyq operator retinde damytý. «Eır Astana» halyqaralyq baǵyttarǵa yńǵaılastyrylady jáne álemniń negizgi qarjy ortalyqtaryna (Nıý-Iork, Tokıo, Sıngapýr) jańa baǵyttar ashady. «Eır Astananyń» damýy «QTJ»-nyń balamaly marshrýttardy damytý jónindegi jos­parymen úılestiriledi, bul júkterdi jetkizý qunyn eki eseden astam tómendetýge múmkindik beredi», dep atap kórsetilgen. Osyǵan oraı, «Eır Astana» áýe tasymaldaýshysyna atalǵan baǵyttar­ǵa ushý jaǵyn uıymdastyrý, jańa belesterdi baǵyndyrý mejesi dit­telse, «Qazaqstan temir joly» ult­tyq kompanııasyna tıisti qarjy ortalyq­taryna baılanysty josparlaryn tıim­di dárejede úılestirip, júkti jetki­zý qunyn eki eseden astam baǵaǵa tómen­detý mindeti júkteldi. Eske sala ketsek, osy ózekti máse­le aıasynda, «QTJ» UK» AQ qury­ly­m­yn­da­ǵy arnaıy holdıng «Airport Management Group» JShS otan­dyq birqatar áýejaılar tizbegin damy­týmen aınalysýda. 2015-2019 jyl­dar aralyǵynda Astana, Qyzyl­or­da, Petropavl jáne Qostanaı áýejaı­lary aýmaǵyndaǵy ushý-qoný jolaq­ta­ryn, jolaýshylar termınaldary men áýejaılyq ınfraqurylymdy jańǵyr­tý boıynsha iri de tyń jobalar júzege aspaq. Elorda jáne Qyzylorda, Shymkent áýege samǵaý nysandarynda barlyq halyqaralyq talaptarǵa tolyǵymen jaýap beretin jańa jolaý­shylar termınaldary boı kótermek. Sonymen birge, Qazaqstandy halyq­aralyq kólik-kommýnıkasııa aǵy­myna yqpaldastyryp, «Eýrazııa­lyq transqurlyqtyq dáliz» mýltımodal­dyq kópirin jasaý maqsatynda Azııadan Eýropaǵa júkti tranzıtteýdi tezdetetin joba iske asyrylmaq. Munda birinshi tarmaq Qazaqstan men Reseıdi jáne ári qaraı Eýropany qamtysa, ekinshisinde Qazaqstannyń Qorǵas keden beketinen Aqtaý portyna, sodan keıin Kaspıı teńizinen Ázerbaıjanǵa, Grýzııaǵa ótý kózdelýde. Mine, osy aıtylǵandardy is júzine asyrý maqsatynda, jaqynda ótken VIII Astana ekonomıkalyq forýmy aıasynda Astana halyqaralyq áýejaıy men Eýropa Qaıta qurý jáne damý banki (EQDB) arasynda «Astana qalasy áýejaıynyń qoný jáne ushý alańyn jańǵyrtý» ınvestısııalyq jobasyn júzege asyrýǵa 8,5 mlrd. teńge kólemindegi qarjyǵa nesıelik kelisim­shart jasaldy. Mańyzdy qujat­qa Eýropa Qaıta qurý jáne damý banki­niń prezıdenti Sýma Chakrabartı, «Astana halyqaralyq áýejaıy» UK» AQ-tyń vıse-prezıdenti Baýyrjan Orynbasarov qol qoıdy. Nesıelik kelisim 15 jylǵa, úsh jyldyq jeńildikpen jasaldy. Joba «Nurly Jol» memlekettik ınfraqu­rylymdyq damý baǵdarlamasynyń aıasynda júzege asyrylyp otyrǵan ulttyq mańyzdy jobalardyń biri bolyp tabylady. Sýrette: Astana áýe qaqpasynyń kórinisi.