Reseıdiń belgili ánshisi Janna Frıske qaıtys boldy

ASTANA. 16 maýsym. Reseı estradasynyń belgili ánshisi Janna Frıske 41 jasqa qaraǵan shaǵynda qaıtys boldy. Ol 2013 jyly onkologııalyq dertke shaldyqqan bolatyn. Bul týraly RIA «Novostı» habarlady. Mıynan qaterli isik tabylǵan ánshi AQSh pen Germanııadaǵy beldi emhanalarda emdeldi. Sondaı-aq, onyń ónerdegi dostary men jankúıerleri qoldaý maqsatynda 60 mln. rýbl jınap, qarjylaı kómek kórsetti. Júıeli em-domnyń arqasynda Frıskeniń jaǵdaıy aıtarlyqtaı jaqsarǵan edi. Dárigerler de ómirine eshqandaı qaýip tónip turmaǵanyn aıtyp, málimdeme jasady. Alaıda, bir-eki buryn onyń taǵy da em qabyldaý kerektigi belgili boldy. Janna Frıske kópshilikke Reseı estradasyndaǵy «Blestıashıe» toby arqyly tanymal boldy. Atalǵan ujymda ol 1996 jyldan 2003 jylǵy deıin óner kórsetti. Toptan ketkennen keıin jeke shyǵarmashylyqpen aınalysty jáne birneshe fılmde basty rólderdi somdady. Elaman Qońyr. Derek, sýret: RIA «Novostı».