Foto: Aqorda
Forýmdaǵy sózinde el Prezıdenti Reseı-Ýkraına arasyndaǵy qaqtyǵysqa qatysty pikir bildirdi. Qasym-Jomart Toqaev Reseı-Ýkraına qaqtyǵysyn beıbit túrde sheshý joldaryn qarastyrýdy qoldaıtynyn atap ótti.
«Kansler Sholspen kelissóz barysynda aıtqanymdaı, Reseıdiń áskerı turǵydan jeńilmeıtini anyq. Bul – Reseıdiń áskerı áleýeti, Prezıdent Pýtın júrgizip otyrǵan saıasatty halqynyń qoldaýy jáne tarıhtyń ózi dáleldep otyrǵan fakt. Sondyqtan biz qaqtyǵysty beıbit túrde sheshý joldaryn qarastyrýdy, barlyq memlekettiń, sonyń ishinde Qytaı men Brazılııanyń aqylǵa qonymdy josparlaryn qoldaımyz. Basqa jol joq. Áıtpese, soǵys qos tarapty da joıyp tynady. Keıbir álemdik kúshter buǵan múddeli shyǵar. Biraq bul tyǵyryqqa tireıtin jol. Konstrýktıvti kelissózder arqyly beıbitshilikke umtylý – álsizdiktiń belgisi emes, kerisinshe, strategııalyq parasattylyqtyń kórinisi», dedi Prezıdent.
