AQTAÝ. 16 maýsym. Aqtaýda ortalyqtandyrylǵan sýmen jabdyqtaý toraby iske qosyldy. Bul týraly egemen.kz tilshisi habarlady.
«Aq bulaq» baǵdarlamasy aıasynda strategııalyq mańyzy zor nysan Aqtaý qalasynyń joǵarǵy shaǵyn aýdandaryn sapaly aýyz sý jáne tehnıkalyq sýmen qamtamasyz etý maqsatynda salynǵan. №4 ortalyq sýmen jabdyqtaý torabynyń negizgi maqsaty – jańa shaǵyn aýdandardy aýyz sýmen qamtamasyz etý.
Tórtinshi ortalyq sýmen jabdyqtaý torabynyń qurylysyna 2008-2010 jyldary jergilikti bıýdjetten bólingen 480,466 mln. teńge qarajat ıgerilgen. «AS Qurylys» JShS qurylys jumystaryn júrgizgen mekeme endi 26 adamdy turaqty jumyspen qamtıtyn bolady. Aqtaýda jýyrda «Kaspıı sý tushytý zaýytyn» iske qosý josparlanǵan. Qazir kásiporyndy jańǵyrtý men qaıta qurylymdaý jumystary aıaqtalýda. Zaýyt iske qosylsa, tek Aqtaý qalasyn ǵana emes, kórshi Munaıly, Qaraqııa jáne Túpqaraǵan aýdandarynyń birqatar aýyldaryn sapaly aýyz sýmen qamtamasyz etýge múmkindik týady.
Gúlaıym Shyntemirqyzy.
Derek, sýret: egemen.kz.
