AQTО́BE. 16 maýsym. Aqtóbedegi Tahaýı Ahtanov atyndaǵy oblystyq drama teatrynda «Jastar jalyny-2015» jastar shyǵarmashylyq jobasynyń qorytyndy gala-konserti ótti. Bul týraly egemen.kz tilshisi habarlady.
Mádenı is-sharaǵa arnaıy qatysqan oblystyq jastar saıasaty máseleleri basqarmasynyń basshysy Darıǵa Ismaǵambetova bıylǵy «Jastar jalyny-2015» jobasynyń Elbasynyń «100 naqty qadam» Ult jospary negizinde, Qazaqstan halqy assambleıasynyń jáne Qazaqstan Respýblıkasy Konstıtýsııasynyń 20 jyldyǵy, Qazaq handyǵynyń 550 jyldyǵy, Uly Jeńistiń 70 jyldyǵy aıasynda shyǵarmashyl jastardy biriktirip otyrǵanyn jetkizdi. Onyń aıtýynsha, shyǵarmashylyq joba aıasynda «Sheksiz shyǵarmashylyq», «Túrimiz basqa, tilegimiz bir», «Meniń mamandyǵym – meniń maqtanyshym», «Namysty jastar», «Jastar arna», «Biz Aqtóbeniń talanttarymyz» oblystyq baıqaýlary, «Street workout» oblystyq týrnıri ótkizilgen.
Oblystaǵy talantty jastardyń jańa belesterdi baǵyndyrýǵa degen ynta-jigeri erekshe. Jobaǵa 1000-ǵa jýyq jas qatysty. Olardyń shyǵarmashylyq turǵydan órkendeýine barlyq jaǵdaı jasalýda. Daryndy jastardy anyqtap, oblystyń mádenı-qoǵamdyq ómirine belsene aralasýyna yqpal etýdi kózdeıtin jobasy óz maqsatyna tolyq jetti desek, artyq aıtqandyq emes.
Gala konsert barysynda oblystyq jastar saıasaty máseleleri basqaramasynyń basshysy Darıǵa Ismaǵambetova joba aıasynda ótken baıqaý jeńimpazdary men júldegerlerin dıplomdarmen jáne baǵaly syılyqtarmen marapattady.
Satybaldy Sáýirbaı.
Derek, sýret: egemen.kz.
