Sýret: kazgazeta.kz
Buǵan deıin nesıelik ótinim berý merzimi 18 qazanǵa deıin edi. Endi otandastarymyzdyń tólem qabilettiliginen ótip, maquldaý alýlaryna taǵy eki apta ýaqyt bar. Ony «Otbasy bank» bólimshelerinde, onlaın banktiń resmı saıtynda nemese «Baspana market» portalynda beıne-qońyraý shalý arqyly, sondaı-aq keńesshilerdiń kómegimen jasaýǵa bolady. Eger qosymsha tizimge qatysýshy «zaem» boıynsha maquldaý alsa, onda tezdetip, 29 qarashaǵa deıin (qosa alǵanda) baspana taýyp, ony satyp alý kerek. Baǵdarlamaǵa qatysýshylar alǵashqy naryqtaǵy onyń ishinde Qazaqstan Turǵyn úı kompanııasy kepildigi, úlestik qatysý sharty, saqtandyrý quraly bar turǵyn úıdi «Baspana market» portalynda tańdaıdy. Qazirgi ýaqytta klıentter tańdaýynda 9 412 páterge arnalǵan 721 nysan bar. Bul tizim kún saıyn tolyqtyrylyp otyrady. Qaıtalama naryqtaǵy turǵyn úıdi monoqalalarda, aýdan ortalyqtarynda, aýyldyq eldi mekenderde satyp alýǵa bolady. Zaemnyń eń joǵarǵy mólsheri: Almaty men Astana qalalarynda – 36 mln teńgege deıin; qalǵan óńirlerde – 30 mln teńgege deıin.
Eske sala keteıik, «Otaý» men «Naýryz» baǵdarlamalaryna qatysýshylardyń qosymsha tizimine 9000 otandasymyz kirgen. О́tinish berýshiler men turǵyn úı baǵdarlamalaryna qatysýshylardyń tolyq tizimi «Otbasy banktiń» resmı saıtynda jarııalanǵan.
