foto www.vr.zp.ua
Mınıstrliktiń málimdeýinshe, qazir Qazaqstanda AI-92 markaly benzın men dızel otynyn tutyný erekshe artyp otyr. Qarjy monıtorıngi agenttiginiń aıtýynsha janar-jaǵarmaıdyń zańsyz eksportynyń aı saıynǵy kólemi 10 myń tonnaǵa jetken. Onyń basty sebebi baǵa aıyrmashylyǵynda bolyp otyr. Qazaqstanda janar-jaǵarmaı baǵasy kórshi eldermen salystyrǵanda aıtarlyqtaı tómen.
«Energetıka mınıstriniń 2023 jylǵy 24 naýryzdaǵy №118 buıryǵyna ózgerister engizý týraly energetıka, saýda jáne ıntegrasııa, qarjy jáne ulttyq ekonomıka mınıstrlikteriniń birlesken buıryǵynyń jobasy daıyndaldy. Buıryq jobasynda munaı ónimderiniń jekelegen túrlerin Qazaqstan Respýblıkasynyń aýmaǵynan Eýrazııalyq ekonomıkalyq odaqtyń kedendik aýmaǵynan tys jerlerge áketýge tyıym salý merzimin 2024 jylǵy 31 jeltoqsannan 2026 jylǵy 31 jeltoqsanǵa deıin uzartý kózdelgen. Munaı ónimderin eksporttaýdy baqylaýdy kúsheıtý qajet», delingen habarlamada.
