Maǵan berilgen joǵary ataqty 26 jyl eńbek etip, matematıka páninen sabaq bergen №4 arnaıy mektep-ınternaty ujymyna kórsetilgen qurmet retinde qabyldadym. Memleket basshysy bilim salasyn órkendetýge árdaıym mán berip, óskeleń urpaqtyń jan-jaqty damýyn qamtamasyz etý maqsatynda zaman talabyna saı bilim oshaqtaryn salýǵa pármen bergeni belgili. Pedagogterdiń mártebesi artyp, áleýmettik jaǵdaıyna turaqty kóńil bólinip keledi. Qazirgi kezde iske asyp jatqan «Jaıly mektep» jobasy bolashaqta joǵary nátıjesin berip, balalar jańa zaman ıgiligin kóretin kúnder de alys emes.
Prezıdent jastardy adal azamat etip tárbıeleý, olardyń boıyna izgi qundylyqtardy sińirý asa mańyzdy mindet ekenine nazar aýdaryp otyr. Osy oraıda 80 jyldyq tarıhy bar mektebimizde mamandar biliktiligin arttyrý, zamanaýı ádistemelermen qamtamasyz etýdegi júıeli jumys jalǵasyn taýyp keledi. Bilim berý salasynda eńbek etken 40 jyldan astam tájirıbem sapaly bilimniń negizi ustazdyń biliktiligimen qatysty ekenin kórsetti. Jahandaný kezeńinde balalarǵa bilim berýmen qatar eńbekke baýlý, óz elin ardaqtaıtyn tulǵa etip tárbıeleý de muǵalimniń kásibıligimen tyǵyz baılanysty. Qazirgi kezde túlekterimiz bilimniń bıigine shyǵyp, mektebimizdiń mereıin ústem etip júr. Osy oraıda muǵalim bolyp eńbek etip júrgen barsha áriptesterimniń mańdaı ter, eseli eńbegi árdaıym elene berse eken deımin. О́ıtkeni ustazdyqqa adaldyq árqashan jemisin beretini anyq.
Gúljanar NURPEIISOVA,
Qazaqstannyń Eńbek Eri,
№4 arnaıy mektep-ınternattyń matematıka pániniń muǵalimi
Almaty
