Sýret: ru.freepik.com
300-ge jýyq adam turatyn bul eldi mekenniń turǵyndary 30 jyldan beri aýyzsýdy aýyl syrtyndaǵy bir shaqyrym jerde aǵyp jatqan bulaqtan tasyp iship kelgen edi. Endi, mine, «Qýatty óńirler – el damýynyń draıveri» ulttyq jobasynyń sheńberinde ol beınetten qutylyp, sapaly aýyzsýǵa qol jetkizip otyr.
Sý qubyryn salý jumystary ótken jyly bastalyp, aıtýly mereke qarsańynda jumys tolyǵymen aıaqtaldy. Sol kezeń aralyǵynda jaýapty mamandar uńǵymalardy burǵylap, qajetti jabdyqtardy ornatyp, kóshelerge sý qubyrlaryn tartqan.
– О́tken jyly «О́ńirlerdi damytý» baǵdarlamasy arqyly qazyna qarjysynan 676 mln teńge bólinip, búginde ortalyqtandyrylǵan sý júıesi iske qosyldy. Jergilikti turǵyndarmen júzdesip, aýyl halqyn quttyqtap, qýanyshtarymen bólisip qaıttym. Jalpy aýyl turǵyndaryn sapaly aýyzsýmen qamtamasyz etý – basym mindetterdiń biri. Buqar jyraý aýdanynda bıyl taǵy úsh aýylda jańa sý qubyrlaryn paıdalanýǵa beremiz dep otyrmyz. Olar: Aqjar, Aıýly, Alabas. Osy jobalar iske asyrylǵannan keıin aýdan turǵyndarynyń 99 paıyzy ortalyqtandyrylǵan sýmen qamtamasyz etiledi. Keler jyly bul kórsetkishti 100 paıyzǵa jetkizemiz, – deıdi Buqar jyraý aýdanynyń ákimi Erlan Qusaıyn.
24 jastaǵy Arman Álimov sý máselesi sheshilmegendikten, kópshilik jurt aýyldan qonys aýdaryp ketkenin aıtyp, endi kósh keri buryla ma degen úmitin jasyrmady.
– О́tken jyly sý qubyry salynatynyn aıtqan kezde oǵan bárimiz kúmánmen qaraǵanymyz ras. Biraq ýáde etilgendeı, onyń qurylysy 2023 jyldyń jazynda qolǵa alynyp, osy mereke aldynda támamdalyp otyr. Aýyzsýdyń joqtyǵynan aýylymyzdan birtalaı adam kóship ketti. Endi osydan keıin bul jerge jańadan qonys aýdarýshylar kelip ornalasady dep oılaımyn, – deıdi ol.
Jańalyqty qýana qabyldaǵan taǵy bir aýyl turǵyny Janat Balbekova:
– Men Astahovkada 50 jyldan beri turamyn. Aýyldan jastarymyzdyń kóbisi kóship ketken. Biz sııaqty zeınetkerlerge qashyqtaǵy bulaqtan sý ákelý ońaı emes. Aqyry armandaǵan sý qubyry salynǵanyna qýanyshtymyn. Kelesi kezekte aýylymyzdyń kóshe joldary asfalttalady dep josparlanǵan eken. Sóıtip, jaǵdaıymyz birtindep jaqsara beretinine senemiz, – dedi.
Qaraǵandy oblysy,
Buqar jyraý aýdany,
Astahovka aýyly
