Foto: Oqu-agartu ministrligi
Búginde 20 óńirde jetim balalar men ata-anasynyń qamqorlyǵynsyz qalǵan balalarǵa arnalǵan bilim berý uıymdarynda, 52 asyrap alýshy ata-analar mektebi atalǵan sanattaǵy balalardy tárbıeleýge qatysqysy keletin azamattardy psıhologııalyq daıarlaýda sheshýshi ról atqarady.
Jattyǵýlar trenıng formatynda ótedi jáne oǵan qatysý tegin. Oqý uzaqtyǵy 42-den 60 akademııalyq saǵatqa deıin, sońynda sertıfıkat beriledi, bul – olardyń bala asyrap alýǵa áleýetti ekenin bildiredi.
«Balalardyń tárbıesi men emosıonaldyq damýyn tereń túsinýge baǵyttalǵan mektebimizdiń arqasynda biz úmitkerlerdiń balalardy asyrap alýǵa daıyn nemese daıyn emestigin anyqtaı alamyz», dep atap ótti Oqý-aǵartý mınıstrligi Balalardyń quqyqtaryn qorǵaý komıtetiniń tóraıymy Nasymjan Ospanova.
Daıyndyqtan ótýge nıet bildirgen úmitkerler jetim balalar men ata-anasynyń qamqorlyǵynsyz qalǵan balalarǵa arnalǵan uıymdardyń birine erkin nysanda jazbasha ótinishpen júgine alady.
