«Barshańyzdy elimizdiń ulyq merekesi – Respýblıka kúnimen shyn júrekten quttyqtaımyn! Keshe Prezıdent Jarlyǵymen elimizdiń damýyna zor úles qosyp júrgen bir top azamat memlekettik nagradalarmen marapattaldy. Olardyń qatarynda óner qaıratkerleri, belgili qalamgerler, ǵalymdar, túrli salanyń ókilderi, eń bastysy, qarapaıym eńbek adamdary bar. Bul Memleket basshysynyń qoǵamda eńbekqorlyq pen kásibı biliktilik qundylyqtaryn dáripteý bastamasynyń aıqyn kórinisi ekeni sózsiz», dedi mınıstr.
Prezıdent Jarlyǵymen aqyn Israıl Saparbaıǵa «Qazaqstannyń halyq jazýshysy» ataǵy berildi.
«Qazaqstannyń halyq ártisi» ataǵyna teatr ártisteri Jámılıa Baspaqova, Olga Korjeva, Lıdııa Káden, Rıhan Mahpırova ıe boldy.
«Qazaqstannyń eńbek sińirgen qaıratkeri» ataǵy Tatıana Kostıýchenkoǵa, Marzııa Mamıdoldınaǵa, Safýan Rysbaıulyna, Sergeı Popovqa, Ajar Iýsýpovaǵa, Oleg Tatamırovqa berildi.
Sonymen qatar birqatar azamat «Parasat», «Qurmet» ordenderimen, «Eren eńbegi úshin» medalimen, Mádenıet jáne aqparat mınıstrliginiń «Eńbek ardageri» vedomstvolyq medalimen marapattaldy.
