Pavlodarda oqytýshylar S.Toraıǵyrovtyń kesenesine bardy

PAVLODAR. 16 maýsym. Baıanaýyldyń Toraıǵyr aýylyndaǵy kesene basynda ýnıversıtet rektory Aryn Orsarıev bastap kelgen ǵalymdar aqyn rýhyna quran baǵyshtady. Bul týraly egemen.kz tilshisi habarlady. Sondaı-aq, aqynǵa arnalǵan aýyldaǵy mýzeıde boldy. Aqyn kesenesi mańyndaǵy 2002-2007 jyldary ýnıversıtet arheologtary zerttegen ejelgi saq dáýirindegi «Toraıǵyr VI mádenı qorymdar» keshenin aralap kórdi. Ekskýrsııa barysynda ýnıversıtettiń Álkeı Marǵulan atyndaǵy arheologııalyq zertteý ortalyǵynyń qyzmetkeri Ilıa Mers eskertkishtiń erekshelikterine jáne kóshpendilerdiń dúnıetanymy týraly baıandady. Jalpy, bul «Toraıǵyr VI qorymy» birneshe «qoıtas» eskertkishi men «buǵyly» tastary bar «murtty» 12 dinı qorǵannan turady. Eskertkish buǵyly tastyń nasıhattalýynyń soltústik-batystyq oshaǵy bolyp sanalady. Soltústik-Shyǵys saq mádenıetin qalyptastyrýdyń bastapqy kezeńin beıneleıdi.  Sonymen qatar, ýnıversıtettiń arheologııalyq zertteý ortalyǵy ejelgi saq dáýirindegi «Toraıǵyr VI qorymyndaǵy» tabynýshylyq-jerleý rásimderi boıynsha zertteý jumystaryn jalǵastyrmaq. Farıda Byqaı. Derek, sýret: egemen.kz