Foto: kz.kursiv.media
Tergeý barysynda «Jezdi ózenin sanasııalaý» jumystary tıisti deńgeıde júrgizilmegeni belgili boldy.
Oblystyń tabıǵı resýrstar basqarmasynyń basshysy is júzinde jasalmaǵan jumystardyń aktilerine qol qoıǵan. Qurylys obektisin teksermeı-aq tehnıkalyq jáne avtorlyq qadaǵalaýshylar da oryndalǵan jumystardyń aktilerine qol qoıyp bergen.
«Jezdi ózenin sanasııalaý» jobasynda qurylys normalary buzylyp, jobalaý talaptary eskerilmegen. Bul olqylyqtar ózen arnasynyń sý kólemin ótkizý qabiletin azaıtqan.
Sheneýnikterdiń osyndaı qylmystyq áreketiniń saldarynan kóktemgi sý tasqyny kezinde Jezdi aýylyndaǵy 10 jeke turyn úı sý astynda qalǵan. Sol kezeńde aýyldyń 108 adamyn, onyń ishinde 56 balany evakýasııalaýǵa týra kelgen.
Qarjylyq monıtorıng agenttigi qylmystyq istiń sotqa joldanǵanyn habarlady.
