Foto: gov.kz
Eńbek jáne halyqty áleýmettik qorǵaý mınıstrligi málim etkendeı, apat 30 qazan kúni «Qazhrom» TUK» AQ fılıaly Donskoı taý-ken baıytý kombınatynyń «Molodejnaıa» shahtasynyń Mırnyı karerinde bolǵan.
«Samosval júrgizýshisi S. shahta jumysshysy J. tıelgen materıalmen Mırnyı karerine bara jatqan. Mırnyı karerindegi ekinshi burylystan ótip bara jatyp, samosval júrgizýshisi rýlge ıe bola almaı, karerdiń sol jaq shetine shyǵyp, sonyń saldarynan samosval aýdarylyp ketken. Oqıǵa ornyna jetken jedel járdem qyzmetkerleri jumysshylardyń qaıtys bolǵanyn anyqtady», delingen habarlamada.
Adam ólimine sebep bolǵan jazataıym oqıǵany tekserý úshin Memlekettik eńbek ınspeksııasy jónindegi komıtettiń Aqtóbe oblysy boıynsha departamenti arnaıy komıssııa qurdy.
