Foto: Aqorda
Kezdesýde álemdegi jetekshi farmasevtıkalyq kompanııanyń Qazaqstan men Ortalyq Azııadaǵy qyzmetin keńeıtý máseleleri talqylandy.
Memleket basshysyna kompanııanyń sapany baqylaý zerthanasy men ǵylymı-zertteý synaq ortalyǵynyń qurylysy aıaqtalǵany jóninde málimet berildi. Sondaı-aq taıaý arada jańa dárilik preparattar óndirisin iske qosý jospary tanystyryldy.
Qasym-Jomart Toqaev Qazaqstannyń farmasevtıka ındýstrııasyndaǵy ǵylymı-zertteý áleýetin damytý jáne oqý baǵdarlamalaryn engizý mańyzdy ekenin atap ótti. Memleket basshysy kóktemgi sý tasqyny kezinde zardap shekken óńirlerge qajetti dári-dármekterdi jedel jetkizip bergeni úshin polshalyq ınvestorǵa alǵys aıtty.
Kezdesý sońynda Ejı Starak Qasym-Jomart Toqaevqa eki kitap syıǵa tartty. Onyń birinshisi Polpharma kompanııasynyń demeýshiligimen túsirilip jatqan derekti fılmge arnalǵan. Bul fılmde Beket ata, Qoja Ahmet Iаsaýı, Arystan bab keseneleri, Tańbaly petroglıfteri men Botaı qonysy sekildi Qazaqstannyń kıeli jerleri taspalanǵan.
Ekinshi kitap – qazaqtyń belgili jazýshysy, Polshany basqynshylardan azat etýge qatysqan maıdanger Kemel Toqaev týraly ǵumyrbaıandyq jınaq. Bul basylym Polsha-Qazaqstan tarıhy komıssııasynyń qoldaýymen ázirlendi.
