Qaldyqty qaıta óńdeıdi

Infraqurylymdy jaq­sar­tý maqsatynda óńirler­degi kásiporyndardy jeńil­dik­pen qarjy­landyrý tetigi bekitil­mek. Osy qar­jyǵa qaldyqtardy suryptaýǵa ári qaıta óńdeýge arnalǵan zamanaýı qoqys tasıtyn mashınalar men jabdyqtar satyp alynbaq. Qaryzdyń syıaqy mólsherlemesi – 3%. 3 jyldan 15 jylǵa deıin beri­letin qarjyǵa 185 mlrd teńge bólindi. Turmystyq qaldyqty óńdeý kólemi 1,5 mln tonnaǵa deıin artady.

«Nátıjesinde, 232,2 mlrd teńge somaǵa 94 joba irikteldi. Jobalardy júzege asyrý nátı­jesinde brýschatka, lıýk, qoqys bak, streıch plenkasy, kólik bamperi sııaqty tutyný taýarlary shyǵarylady», deıdi  Eko­logııa jáne tabıǵı resýrstar mınıstri Erlan Nysanbaev.

Osy jobalar aıasynda 4,7 mln tonna turmystyq qal­dyq suryptalady. Al qaldyq­tar­dy suryptaý jelilerin salý, jańǵyrtý maqsatynda óńirlerde 21 joba qolǵa alynbaq. Bul kásiporyndarda jylyna 3 mln tonnaǵa deıin qoqys suryptalsa, shyǵynnyń jalpy quny 49 mlrd teńgeden asady. Munyń ishinde jeke ınvestısııanyń úlesi – 10 mlrd teńge.